學生相

話

 話咁快哥哥仲有個零月就要開展漫長的讀書生涯啦....................話說之前為左個仔讀書，我地2個化身怪獸家長，狂報十幾間，最後終於入到最最最心儀個間學校.................

 今年...我地可以唔駛咁怪獸啦，入到呢間學校就進可攻、退可守，可以主力考一條龍學校啦~

所以特登同哥哥再去影多次學生相，希望影得靚仔D，加下分(雖然之前有間名校O既家長義工話我仔個樣太靚仔 ...通常老師唔會收呢D樣...頂)但我唔信，我堅信個樣乖巧些，精靈些始終都會著數D O既
今次張相我好滿意呀...呵呵呵....
連相鋪O既老細都狂讚哥哥好靚仔~
希望呢張係LUCKY學生相，哥哥可以順利入到龍校，咁我地打後個十幾年就唔駛再煩啦...





影相同日，係丫B 9歲生日呀~....祝我BB 身健康，長命20歲.....

堯B 26M+舜B 4M

 豬仔堯26M啦，由佢生日過後呢2個月真係好地獄
我都好心力交瘁
話說佢3中尾開始無那那又開始勁痾，一日五六次係等閒事
好下又壞下，到肚痾好D，又發燒，高燒不退......
到燒退左又肚痾.....呢2個月我真係就黎發癲...都曾經怨過..點解咁對我個仔
2歲人仔，要佢係咁痾，仲要痾到脫肛(即係直腸突出)........
原本已經好瘦O既，仲要瘦多2磅!!92CM高..得25磅!!!!!!!!!!!!!
最終搞到要睇小兒外科!!我地2公婆都好心力交瘁!!
好彩醫生唔建議做手術，要等佢肚痾好左先可以慢慢自己好返
所以我好狠心咁幫佢戒左奶...加埋食益生菌..最近已經有好轉....
午夜夢迴時，我都好痛恨自己點解無奶水......如果有奶水，我就可以比哥哥飲，唔駛等佢2歲就無奶飲....講起都好想喊><
不過最近發覺佢飲維他奶係無問題，所以而家一日都會比一包佢飲，遲下再好D，會試下鈣思寶
雖然佢身體差，但佢真係一個好乖好貼心O既小寶寶
 話說我叔最鍾意話我仔瘦，有次同公公婆婆傾開計，我就話有邊個父母唔想自己仔女健健康康得架，有邊個唔想個仔肥肥白白....佢痾到咁....我可以點
講下講下 ...我終於都崩潰喊出黎......我仔一見我喊，即刻過黎攬住我叫媽媽
個下真係好窩心


亦都係個仔喪痾呢段期間...佢自己無那那戒左片，而家除左出街同訓覺會著片外，都唔駛再著片.......
我而家唯有希望係佢係返學前可以搞好脫肛問題....費時到時返學痾條腸出黎嚇親人
 講完唔開心野，講下開心野
豬仔堯終於入到我都最心儀個間學校了!!呢間學校個面試真係好艱巨，長達45分鐘O既車輪式面試
，終於比佢通過左........希望佢會鍾意呢間學校啦~~!

 而家哥哥真係好瘦，有時真係好心痛，細佬已經肥過哥哥好多了

又講下細佬，已經4個月大了......身長68CM，體重應該有18磅了
非常多野講，我估都係似哥哥語言發展快些
同埋似哥哥咁肢體發展緩慢....成4個月都仲唔係好識趴係抬頭同埋未識轉身
而且又係一個極之愛笑O既BB......好似比哥哥更加愛笑
只要比少少表情佢已經笑到咭咭聲

 亦都開始多多表情...真係好得意~~!!!
都係個句...乜都假...身體健康最緊要

豬仔2歲大了

 上堂O既時候，我O既口頭禪就係 "時光飛逝，日月如梭"
而家O既我，先真真切切咁感受到呢句說話，望住個仔由一舊飯，到而家2歲大識行識走識唱歌
真係不得不慨嘆時間O既流逝.............
一方面想佢快高長大，另一方面又唔想佢大得咁大，做人丫媽真係好矛盾呢~

 講下豬仔而家O既情況先
身高﹕早個幾月細佬去健康院打一個月針時，我胆粗粗咁問姑娘可否幫我大仔度埋身高，個姑娘又肯喎，結果度出黎係90CM鬆D....
體重﹕26-27 LBS到，真係又高又瘦成個MODEL咁...個個見到佢都話佢太瘦，唉..我都唔想..你估做丫媽唔想見到個仔大大隻隻咩...至憎D人係度指指點點....
除左佢O既身體狀況，有時都要睇遺傳架，一味指點唔睇實際情況既人真係好討厭

 說話﹕成個大人咁，可以成句句子講...極鍾意模仿大人講野...有時真係哭笑不得
           例如有時砌到舊LEGO，會大叫﹕YEAH...成功左...
係佢把口度講出黎真係超搞笑
有時又會指住我D結婚相大叫話﹕媽媽係個度呀...然後指住我話﹕媽媽係依度呀，一樣呀，靚靚呀"哈哈
TUM得我好開心..好多人都話佢講野有時仲叻過D3歲小朋友
除左講野叻， 唱歌都好叻，識唱好多英文歌...EG abc song,finger family,shape song,if u are happy,仲有好多....有時仲會將trinkle trinkle little star變左rap咁讀出黎...
好鍾意睇youtube學新歌，卡通片唔鍾意睇...只like聽歌....每晚臨訓前除左講故事就係迫我同佢一齊唱歌
學習﹕專注力非常強，鍾意主動學野.....學識左顏色...最近學埋shape...連八邊形既英文都識埋....仲好鍾意睇書認動物

 進食方面﹕唔太鍾意食野，特愛食餅...最近仲迷上食糖(註﹕係公公婆婆同姨姨比佢食，已比我炳左好多次，最近要同佢戒糖)
鍾意食o既可以自己"筆"晒黎食，唔鍾意食o既就扮嘔...或者要聽住歌迫佢食..真係好煩
戒片進度﹕諗住等熱d就同佢戒....痾屎就戒到一半啦...佢痾屎會出聲，但有時唔肯去厠所或者痰罐痾..叫佢去廁所痾...有時佢會講﹕"唔想"....真係吹漲..同埋呢排痾得勁返..又湊埋個細o既...好難次次都做到去廁所痾......可能佢心態上未ready啦....

 豬仔不嬲都係一個好乖好聽指令o既bb/小朋友，但前幾個月開始進入trouble 2階段
尤其係細佬出左世後，雖然佢表面上好似無乜野，但係有時明顯覺得佢係無咁乖
乜都話唔想唔要唔得....試過有次無訓午覺，到晚上痾屎要換片...死都唔肯換，光住下身係度喪喊，係崩潰喪喊..又碌黎碌去...搞到patpat磨損左....搞左成粒鐘先冷靜..........
到第二日沖涼又唔肯起身，到我抱佢起身...死都唔肯起(個幾日就係最凍個幾日)......夾硬抱左佢房準備換衫，又崩潰喪喊...死唔肯著衫...我驚佢凍親所以無奈打左佢2下手掌.....(第一次打佢，我都好心痛)........(就係呢排...要in佢爸爸想佢入個間學校...結果乜都唔肯做..喪喊收場)
我成日覺得佢呢幾日o既失常表現係因為佢壓抑得太耐，不過隨住佢同細佬感情越來越好，呢個幾月都無再好似呢幾次咁有崩潰o既情況出現 ...
又恢復返以前咁乖咁聽話...^_^(好彩重點想入的學校係呢排先in啫..嘿嘿....媽媽對佢o既表現非常滿意......其中一間要in成9個字..轉3間房都無扭計極合作...就算最尾唔收，我都當收左win左架啦...)

圖為我細佬對孖女

 做左哥哥後.....初初好唔慣我地要抱細佬...而家ok啦...有時有陌生人抱細佬
佢會即刻叫我﹕"媽媽抱舜舜" ..就算訓醒有起床氣時見到我地抱住細佬都唔會喊同呷醋

 呢日仲話要抱舜舜...佢話佢夠力抱喎...笑死

希望佢2兄弟能夠相親相愛啦

 襯佢2歲生日前一日，幫佢剪個靚髮..嘿嘿

 而家同佢影相真係好難...成日郁黎郁去，有時會扮合作影幾張，但係好快就會自己走開話﹕"ok啦"..就唔影...勁有主見.....

 而家佢o既最愛就係我.......極度痴我..訓覺要我陪，起身只會揾我...以前個個都肯錫，而家只肯錫我一個...問佢錫邊個，佢只會答﹕錫媽媽....

教學生就教得多，教仔都係第一次，仲係磨合同學習o既時間....哥哥而家已經進入左一個肯聽道理o既時間....總結﹕我會繼續努力


下篇blog如果有時間我會打埋豬仔生日當日點慶祝..嘿嘿...不過唔知幾耐呢

細佬出左世啦@39週6

 左望右望，細佬終於係1月16..即係媽媽陀住佢O既39週6個日出左世啦
話說38週開始已經不斷宮縮，去檢查姑娘又話BB頭仔低，個人又勁攰...咁我就一直以為BB可能38週幾就出世
點知左盼右盼，BB都係唔肯出黎...晒晒我D假..
等到個人都灰晒
直到39週5個晚...其實都係無乜大動靜..我真係好驚會過期居留........
好彩..個晚暗完哥哥訓覺...凌晨一點半...下面突然有PAT野流出黎
我以為係見紅...點知去廁所一睇..原來係穿水.......即刻安頓好哥哥
就同爸爸去左醫院...
1點9上到產房證實係穿水..但未痛未開度數..所以送返我去候產房
3點駁埋機...醫生黎到..話比我揀..一係等佢自己痛..一係一朝送我去產房催生
我梗係選擇後者啦， 如是者等左成晚..都係無動靜..D水都係遂D逐D滲出黎
中間我一D都訓唔著..一黎丫B壓住我膀胱..成晚不斷痾尿..二黎好緊張...好快又要經歷十級痛
等到8點幾...終於都上產房啦...QE O既產房真係不得了...好大...自己獨立一間
仲有電視睇......仲記得個朝係做緊特首答問大會=.=
而且老公可以一直陪住係身邊TIM.....
好啦.....9點幾醫生黎到幫我再人工穿水就正式落藥催生啦
無幾耐就開始小痛...大約4-5分鐘一次......到10點幾個痛勁左...但未想痾....姑娘黎CHECK都
話子宮頸未開...我都仲識係咁問姑娘可以有咩方法止痛
姑娘就係咁問我做唔做無痛或者打止痛針....
但我有預感我會好快生..所以一直都只係聞氣就算
過多陣..我就開始想痾啦.....個陣應該係11點左右...姑娘黎CHECK....原來一開已4度
我係咁話想痾...呢個時候都係3分鐘痛一次，每痛一次..我就越想痾......痛多幾次，
我真係頂唔順..姑娘再CHECK...已經一跳跳到8度..但都唔比我痾
嘩，就係呢幾個字唔比我痾真係令我生不如死...真係痛過第一胎架.......
過多大約十分鐘左右....我真係痛到頂唔順啦......姑娘終於比我痾
但係痾左幾次都痾唔出(第一胎我痾左1下就搞掂).....
姑娘最終話幫幫我...要剪=.=+(第一胎我無剪).......結果一剪...佢仲要按落剪個位...
個下劇痛.....痛不欲生...佢仲要我大力推....結果一推..11點半..BB就出左黎了
一磅..真係不得了...成8磅1......唔怪得我痾唔出啦..HAHA
但我成個孕期只係重左23 磅.....又唔係好食到野....到生之前個日都仲痾緊...真係估唔到細佬
竟然咁重磅...
就係咁....入左產房只係2個鐘...由開度數到生都只係半個鐘O既事....細佬就出世了..好彩無打針同做無痛啫.....雖然時間好短..但我覺得個痛真係好劇烈...生仔呢家野真係唔好再搞我了
老公仲話我谷仔谷到成塊面D微絲血管爆晒.....

細佬啱啱出世個樣...勁醜樣...HAHA..爸爸仲話點解細佬個樣咁 "岩杉"
我就話佢個樣有D似今屆視后囉..HAHAHHA

不過收左水之後..佢個樣已經同以前哥哥個樣越來越似啦...咁我都放心D...HAHA 

上圖係哥哥..下圖係細佬...其實都好似

不

舜B@38週

唔經唔覺黎到懷孕最最後期了....過埋今日，聽日就38WKS了...前2星期照完黎..BB都已經有6磅2...醫生話BB出世會同丫哥差不多重呀~~
我都返埋今日工就正式放產假..嗚嗚....放左成十日假..今日突然要返一日工真係好唔開心
希望BB乖乖地，呢星期或者下星期好出黎啦，最好快快手出黎，唔駛丫媽陣痛咁耐啦
丫媽陀你真係好辛苦架..........陀到今朝都仲嘔緊架...比D舒服日子我過啦....

今胎重了20磅左右....暫時比上胎重少幾磅..希望生完快快瘦返..我要做返潮媽索媽...我已經買定好多衫比自己坐完月著架啦..呵呵呵


















對比返上次37週影O既相，今次個胎明顯突好多呀，但係吋數其實差不多，因為個胎向晒前面，今次個肚真係好 "仔"，D師奶一睇就知我係陀仔啦......ANYWAY...雖然今次係最後一次懷孕，但係我都無影到大肚相....一黎好攰無乜心機，二黎老公唔想影....咁就算啦...
自己影下相都可以啫...

請大家祝福我今次可以極速生仔啦....HAHAHA

豬仔二十個月大

脫BLOG脫得好緊要..無法...一黎大住個肚真係好攰，二黎學校野又忙到死....呢排又話教育局要特別視學，仲以為可以印印腳等於聖誕假同產假...點知又要勁大壓力.....好慘呀!!!!

講返個仔先，個仔已經20個月大啦

 而家已經唔再係bb啦，係一個小朋友啦，而且係一個人細鬼大o既小精靈
成日整蠱作怪....我諗最好玩就係呢個階段啦....
豬仔係一個愛笑o既寶寶...但就越大越痴人.....可能女仔會比較獨立d...不過佢都只不過係一個
歲半多dd o既小朋友....慢慢train啦..

講下佢既進度啦......
食野﹕
唔算好鍾意食野，但最近有新進展，就係終於肯咬下肉...食下肉...所以最近好似有 "輕"左少少
最鍾意食餅....可以一次過食好多餅...我見佢肯食飯，所以就肯比餅佢食.....
又會肯自己食飯..不過通常食到一半就放棄要大人餵返=.=

身高體重﹕
體重應該25-26磅啦..都係瘦瘦的...無法..之前病左幾個月...好難得先追返呢個重量..我已經好滿足....
身高....接近90cm...最近又見佢標高左.....比同齡小朋友高.....個個都以為佢已經2歲幾.......

說話﹕
講野就最叻.....已經學講句子好幾個月了...而家可以講7、8個字o既句子....雖然語法有時唔係咁
啱..但係我覺得已經好叻了....而家咬音都好準下......所以我有時都會粵、普、英三種語言三管齊下教佢.....但我發現佢係鍾意粵、英多過普=.=...無理由架...我陀住佢個時，日日都用普通話開咪教書架喎......
有時佢真係比到驚喜我架....有次我無那那講CAN U GIVE ME A GOODNIGHT KISS?
我以為佢唔識聽...點知佢真識錫埋黎......^^
而且我發現佢記性好好...好多野教一次就記得了....加油呀仔!!!!!!!

n班方面﹕
in左5間pn班，已經有4間offer.....除左一次佢發脾氣學校唔收外(但指令做到晒)
其它4間收晒...其中金巴倫迦南成3、4000人競爭都收左佢...我真係好開心，為佢驕傲
希望之後重點心儀o既學校都會有好表現啦><

 呢件桃紅色衫同波點衞衣係g market訂返黎架...我超鍾意...hahahaha

舜B@28WEEKS

原來不知不覺間已經陀左28週了，即已進入懷孕後期了
距離預產期3個月都無，希望呢2個幾月快快過去，BB健康足月出世
我成日覺得自己牛高馬大，點解我陀B陀得特別辛苦
上胎由6週嘔到32週
今胎由7週嘔到而家28週仲嘔緊.....唉，真係好痛苦
但上胎嘔4個月都已有好好胃口食野(不過邊食邊嘔啫)
今胎一到晚上就唔想食飯，只想食生果，真係對食野無乜興趣...尤其係飯，見到都想嘔
只能晚晚叫我媽煮面比我食......有時食左難消化O既野，仲會頂住個胃頂到上心口
成晚都會唔舒服....
上星期明明已經有幾時無嘔
今個星期朝飲奶同食包就會開始氣喘同頭暈，跟住就要大嘔特嘔先無事
bb呀bb...點解你唔比媽媽食野儲肥你呢？

正因為咁，10月中檢查時，醫生話舜b只排43.......
而我亦比上胎同時期重少左.....上胎28週已重左差不多20磅，而家28週就重左13.5磅......
人地話懷孕中期係蜜月期，究竟我幾時有蜜月期呀？？？
我d同事都仲好奇怪點解我成日唔舒服.........因為佢地陀的時候個個都無乜野..
所以生埋呢個死都唔會再生第3個啦..haha

其實自從有左b開始，我已開始驚緊生產時o既痛
有時會突然醒起下面爆時o既痛(我無剪，係自然爆)
有時又會諗起大痛o既痛(雖然我由開度數到生左只係用左1個鐘，所謂的大痛都只係痛左幾個字)，但都好有陰影...
希望今次又係陀得辛苦，但生得舒服啦.....如果今次可以半個鐘搞掂就好啦


呢張相係上星期27週時影o既.......吋數係36吋(今週無乜進展，依舊36吋)
但d未生過o既同事就極度誇張咁話﹕嘩...好大呀...真係好大呀...........
其實我無乜所謂..但係我真係覺得我個肚其實真係唔算大，只係上胎陀得較低，似肚腩多d
今胎陀得較高，個肚圓d望落先好似大d，吋數黎講，上胎呢個時候已38吋啦
再加埋我健o碩既身型.........36吋真係好細.......我見媽媽會個d好多都過40吋了
生過既又話我個肚太細...其實都幾煩.....肚大肚細有乜問題......BB健康咪得囉
搭地鐵只得一次一個叔叔讓比我之嘛